A maistre Jehan du Mollin, ellumineur, grant prince d’Amours en l’année passée, sur et en tant moins de la despence qu’il a faicte et supporté à cause de sadite princhaulté, pour ce que les censes des assiz et mailletottes du vin et de le cervoise demorèrent ès mains de ladicte ville non censiés, a esté payé en manière acoustumée la somme de ijc karolus d’or, vaillans iiij° livres parisis ; — item, pour et en tant moings des joyaulx d’argent qu’il a donnéz aux rétoriciens et joueurs sur le jour de sa feste, a esté délivré et donné, en manière acoustumée, la somme de xxviij lb. tourn.; — et pour aidier à subvenir audit prince aux grants frais et despens qui lui a convenu supporter en ladite princhaulté, et aussi afin de le induire à icelle accepter pour l’honneur de ladicte ville, luy a esté payé, oultre et pardessus l’ordonnance accoustumée, la somme de soixante karolus, vallans cxx lb. parisis; a esté payé 567 lb., 12 s.